Game Zone აცხადებს ვაკანსიას ფილიალის უმცროსი მენეჯერის პოზიციაზე.

Game Zone 2010 წლიდან ქმნის გეიმინგ გამოცდილებას საქართველოში — ფიზიკური მაღაზიების, ონლაინ და B2B არხების მეშვეობით მომხმარებელს სთავაზობს კონსოლებს, თამაშებს, გეიმინგ ტექნიკასა და აქსესუარებს. კომპანია არის Sony PlayStation-ის ოფიციალური პარტნიორი საქართველოში.

ანაზღაურება:

** ფიქსირებული ხელფასი — 1,200 ₾ (NET);
** ფილიალის გეგმის შესრულების ბონუსი — 400 ₾ + დამატებითი მზარდი ბონუსი ზედა ზღვრის გარეშე.

სამუშაო ტიპი: სრული განაკვეთი

რას მართავ უფროს მენეჯერთან ერთად?

** ფილიალის გაყიდვების გეგმის შესრულების მხარდაჭერა;
** ყოველდღიური, კვირეული და ყოველთვიური გაყიდვების მაჩვენებლების მონიტორინგში მონაწილეობა;
** ფილიალის ყოველდღიური სამუშაო პროცესების კოორდინაცია უფროს მენეჯერთან შეთანხმებით;
** სალარო და სააღრიცხვო პროცესების წარმოება — სასაწყობე პროგრამაში რეალიზაციების გატარება, ახალი კონტრაგენტების რეგისტრაცია, სალარო ოპერაციების შესრულება და შესაბამისი დოკუმენტაციის სისწორის კონტროლი.

გუნდის კოორდინაცია და მხარდაჭერა:

** უფროს მენეჯერთან შეთანხმებით ექსპერტ-კონსულტანტებისთვის ყოველდღიური დავალებების განაწილება;
** სამუშაო გრაფიკების შედგენასა და ცვლებში რესურსების სწორად გადანაწილებაში უფროსი მენეჯერის მხარდაჭერა;
** ექსპერტ-კონსულტანტებისთვის ყოველდღიურ სამუშაო საკითხებზე დროული და კონკრეტული უკუკავშირის მიცემა;

ფილიალის საოპერაციო პროცესები:

** სალარო ოპერაციების, ფულადი დისციპლინისა და შესაბამისი დოკუმენტაციის სისწორის კონტროლი;
** პროდუქციის მიღების, გადაადგილებისა და სავაჭრო დარბაზში განთავსების პროცესში მონაწილეობა და კოორდინაცია;
** პროდუქციის ასორტიმენტის, მარაგებისა და თაროების შევსების ყოველდღიური კონტროლი;
** მარაგებთან და ფილიალის მომარაგებასთან დაკავშირებული საჭიროებების უფროს მენეჯერთან შეთანხმება და შესაბამის გუნდთან კომუნიკაცია;
** ფასმაჩვენებლების სისწორისა და ფასის ცვლილებების დროულად ასახვის კონტროლი;
** ფილიალში სისუფთავის, მოწესრიგებულობისა და კომპანიის სტანდარტების დაცვა;

მომხმარებლის გამოცდილება:

** მომხმარებლისთვის პროდუქციის, მომსახურების, საგარანტიო პირობებისა და მიმდინარე შეთავაზებების შესახებ სწორი ინფორმაციის მიწოდება;
** საჭიროების შემთხვევაში მომხმარებლისთვის უშუალო კონსულტაციის გაწევა და გაყიდვების პროცესში ჩართვა;
** რთული შემთხვევების უფროს მენეჯერთან კოორდინირებულად გადაწყვეტა;
** მომსახურების მაღალი სტანდარტისა და მომხმარებლის დადებითი გამოცდილების უზრუნველყოფა.

მარკეტინგი და ფილიალის კონტენტი:

** ციფრული მარკეტინგის გუნდთან და უფროს მენეჯერთან აქტიური თანამშრომლობა;
** საკუთარი ფილიალის ვიდეოკონტენტის იდეების დაგეგმვასა და შექმნაში მონაწილეობა;
** მიმდინარე კამპანიებისა და მარკეტინგული აქტივობების ფილიალში სწორად განხორციელების მხარდაჭერა.

რატომ Game Zone?

** ყოველდღიური შეხება გექნება მსოფლიო გეიმინგ ინდუსტრიის ახალ პროდუქტებსა და ტენდენციებთან;
** შენს ხელში გაივლის ახალი თამაშები, კონსოლები, გეიმინგ მოწყობილობები და აქსესუარები;
** იმუშავებ მომხმარებლებთან და გუნდთან, რომლებსაც გეიმინგი რეალურად აინტერესებთ;
** იმუშავებ არა ზოგად ტექნიკის მაღაზიაში, არამედ სპეციალიზებულ გეიმინგ სივრცეში;
** უფროს მენეჯერთან თანამშრომლობით მიიღებ ფილიალისა და გუნდის მართვის პრაქტიკულ გამოცდილებას;
** ეტაპობრივად განივითარებ საცალო გაყიდვების, გუნდის კოორდინაციის, ანალიტიკისა და ოპერაციული მენეჯმენტის უნარებს;
** თანამშრომლობ ციფრული მარკეტინგის გუნდთან და მიიღებ ვიდეოკონტენტის შექმნის პრაქტიკულ გამოცდილებას;
** გექნება შესაძლებლობა, შენი იდეები ფილიალის რეალურ აქტივობებად აქციო;
** მიიღებ შედეგზე დამოკიდებულ მზარდ ბონუსს ზედა ზღვრის გარეშე;
** წარმატებული მუშაობის შემთხვევაში გექნება პროფესიული განვითარების და ფილიალის უფროსი მენეჯერის პოზიციაზე ზრდის შესაძლებლობა.

აუცილებელი მოთხოვნები:

** საცალო გაყიდვების, მომხმარებელთა მომსახურების ან მსგავს სფეროში მუშაობის გამოცდილება;
** პასუხისმგებლობის აღებისა და რამდენიმე სამუშაო პროცესის ერთდროულად კოორდინაციის უნარი;
** გუნდთან ეფექტიანი კომუნიკაციისა და თანამშრომლობის უნარი;
** სალარო ოპერაციებთან და ფულად პასუხისმგებლობასთან მუშაობის მზადყოფნა;
** გეიმინგისა და ტექნოლოგიების მიმართ ინტერესი და ახალი ინფორმაციის სწრაფად ათვისების სურვილი.

უპირატესობად ჩაითვლება:

** მცირე გუნდის, ცვლის ან სამუშაო პროცესის კოორდინაციის გამოცდილება;
** ტექნიკის, ელექტრონიკის ან გეიმინგ პროდუქციის მიმართულებით მუშაობის გამოცდილება;
** სააღრიცხვო ან სასაწყობე პროგრამებთან მუშაობის გამოცდილება;
** სალარო აპარატთან მუშაობის გამოცდილება;
** ინგლისური ან რუსული ენის საკომუნიკაციო დონეზე ცოდნა;
** ბიზნესის ადმინისტრირების ან მონათესავე მიმართულებით უმაღლესი განათლება;
** სოციალური მედიის, ვიდეოკონტენტისა და გეიმინგ კულტურის მიმართ ინტერესი.

ფილიალის უმცროსი მენეჯერის პოზიცია შენთვისაა, თუ:

** გაქვს საცალო გაყიდვებში ან მომხმარებელთა მომსახურების სფეროში მუშაობის გამოცდილება და მზად ხარ მენეჯერული მიმართულებით განვითარებისთვის;
** შეგიძლია უფროს მენეჯერთან შეთანხმებით გუნდის ყოველდღიური სამუშაოს კოორდინაცია;
** პასუხისმგებლობით ეკიდები სალარო, დოკუმენტაციასა და მარაგებთან დაკავშირებულ პროცესებს;
** შეგიძლია დავალებების განაწილება, მათი შესრულების კონტროლი და პრობლემების დროულად დაფიქსირება;
** არ გიჭირს დატვირთულ გარემოში პრიორიტეტების განსაზღვრა და რამდენიმე პროცესის ერთდროულად მართვა;
** შეგიძლია მომხმარებელთან პროფესიული კომუნიკაცია და რთული სიტუაციების მშვიდად მართვა;
** მზად ხარ ისწავლო, მიიღო უკუკავშირი და ეტაპობრივად აიღო მეტი პასუხისმგებლობა;
** გაქვს გეიმინგისა და ტექნოლოგიების მიმართ ინტერესი და ახალი პროდუქციის სწრაფად შესწავლის სურვილი;
** მზად ხარ ჩაერთო მარკეტინგულ აქტივობებსა და ვიდეოკონტენტის შექმნაში.

არ არის აუცილებელი, პირველივე დღიდან ყველა თამაშისა და კონსოლის ტექნიკური დეტალი იცოდე ან უკვე გქონდეს მთელი ფილიალის დამოუკიდებლად მართვის გამოცდილება. მთავარია პასუხისმგებლობის აღების უნარი, გუნდთან მუშაობის გამოცდილება, გეიმინგისა და ტექნოლოგიების მიმართ რეალური ინტერესი და განვითარების სურვილი.

სამუშაო ლოკაციები:

** სითი მოლი საბურთალო — პეტრე ქავთარაძის №1;
** ჰოუმ მარტი ვაკე — ილია ჭავჭავაძის №37ლ;
** გალერია თბილისი — შოთა რუსთაველის გამზირი №2/4.